Teleoloxía - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Teleoloxía
- Do grego "télos (fin) e "logos" (discurso, tratado). O termo utilízase co significado de "explicación de algo por medio das causas finais", e aplícase a aquelas teorías ou interpretacións da realidade (ás que se lles chama teleolóxicas) que se basean no recurso ás causas finais, en lugar de facelo simplemente recorrendo ás causas eficientes. Iso supón afirmar que a realidade tende, pola súa propia natureza ou esencia, cara a algún fin prefixado, que todo ocorre con algún propósito ou intención.
Aínda que a aparición do termo é relativamente recente, a idea de explicar a realidade apelando a causas finais podémola atopar xa en Anaxágoras, Platón e Aristóteles, así como na maioría de filósofos escolásticos. A tal explicación teleolóxica opoñerase a ofrecida por filósofos como Demócrito de Abdera, na antigüidade, e Descartes e Galileo na época moderna, coñecida co nome de causalismo (ou mecanicismo), e que se basea no recurso a causas eficientes, e non finais, como fundamento explicativo da realidade.